Има два формати на учење кои Бреинстер ги нуди:

– Онлајн формат на учење поддржан од комуникациски платформи и алатки за квалитетно спроведување на програмата и практичните активности спроведувани преку предавања и работилници со инструктор (поголем дел од нашите академии)

– Флексибилен формат на учење кој на студентите им нуди спектар од претходно снимени видео-лекции, инструкции, ресурси и неделни онлајн сесии со инструктор (мал дел од нашите академии)

Селекцијата се врши на индивидуално ниво по online средбата со некој од тимот на Student Admission. Главни фактори кои ќе ги разговараме ќе бидат:

– Позадина и претходни искуства. Не е потребно искуство од релевантното професионално поле или образование за да се запишете на академија, но одредено ниво на професионална дисциплина ќе ви помогне подобро да ја совладате академијата. Од аспект на претходно познавање на технологија, ќе биде плус доколку сте снаодливи во користење на технологија генерално и основни познавања од користење на компјутер бидејќи целата академија се темели на дигитални алатки и методологии.

– Мотивираност. Имаме висок стандард кога станува збор за колку кандидатот е мотивиран, одлучен и обврзан. Учењето на некоја од нашите академии бара да се инвестира одредено време, енергија и фокус. Иако имаме тим кој ќе ве поддржува низ академијата, успехот ќе биде плод на колку труд вложувате.

– Познавање на алатки и англиски јазик. Не е задолжително претходно да се имате сретнато со алатките кои ќе се учат, но пожелно е да имате познавање од англиски јазик. Ќе се сретнете со терминологии на англиски јазик, ќе работите со интернационални клиенти при работа на реални проекти, технологија на англиски јазик, и сл.

Сите академии на Brainster се сертифицирани од акредитираната ИТ високообразовна институција Brainster Next College. По успешно завршената академија, секој студент ќе добие два сертификати: еден од Brainster со прикажаниот успех и еден од Brainster Next College. Во Македонија, единствено нашите академии се сертифицирани од акредитиран ИТ факултет.

Целта на Бреинстер е да понуди флексибилност на нашите студенти во однос на плаќањето:
– Плаќање одеднаш
– Плаќање до 20 месечни рати (со можност за порана исплата)
– Без камати и скриени трошоци
*Следете нѐ и дознајте први за активни понуди или попусти.

Бреинстер отвара по неколку уписи во текот на една година. Доколку сакате да дознаете повеќе, слободно разговарајте со некој од нашите Student Admission советници.